Mineralogie

D Mineralogii – griechisch-dütsch: D Kenntnis bzw. d Wüsseschaft vo de Mineral – isch e Wüsseschaft, wo wott uusfinde, wie d Mineral entstande si, was für Äigeschafte si häi und für was me se cha bruuche.

D Mineral si d Baustäi vo de Gstäi, wo zum grösste Däil en anorganische Ursprung häi und dur e charakteristischi chemischi Zämmesetzig und e bestimmti geometrischi Kristallstruktur kennzäichnet si.